صہیونی رياست کی ناکامی کا اعتراف
صہیونی رياست کے ایک اخبار نے فلسطینی مجاہدین کے میزائلی حملوں کو روکنے میں صہیونی رياست کی کمزوری کا اعتراف کرتے ہوئے اعلان کیا کہ ان حملوں کو روکنے کےلئے اسرائیل کے تمام منصوبے ناکام ہوگئے ہیں –
فلسطین الیوم کی آجکی رپورٹ کے مطابق صہیونی اخبار ” ہاآرتص ” نے "غزہ میں ناکامی” کے زیر عنوان اپنی ایک رپورٹ میں کہاکہ صہیونی حکومت کے وزیراعظم اور وزیر جنگ ، فلسطینیوں کو وسیع حملوں کی دھمکیاں دے رہے ہیں لیکن حقیقت یہ ہے کہ اسرائیل کی فوج ، فلسطینی گروپوں کا مقابلہ نہیں کرسکتی ۔
اخبار کے مطابق 2012 میں غزہ سے داغے جانیوالے ایک ہزار سے زائد میزائیلوں نے صہیونی علاقوں کو نشانہ بنایا ہے اور صہیونی شہری روزانہ زیرزمین پناہ گاہوں میں گھس جاتے ہیں جبکہ فوج نے ابھی تک ان حملوں کو روکنے کےلئے کوئی حل نہیں نکالا ہے – اخبار نے مزید لکھا ہے کہ اس بات کا اعتراف کرنا چاہیئے کہ صہیونی فوج ،فلسطینیوں کے میزائل حملوں کو نہیں روک سکتی اور غزہ پٹی پر کئے جانیوالے حملے بھی بے کار ثابت ہوئے ہیں –