لبنان میں مزاحمت کے کردار کی اھمیت پر تاکید
لبنان کی نیشنل نیوز ایجنسی کی رپورٹ کے مطابق لبنان کے معروف عالم دین علامہ شیخ عفیف نابلسی نے آج مزاحمت کے عظیم کارناموں کی طرف اشارہ کرتے ہوئے کہا کہ مزاحمت کی فورسز، لبنان کا طاقتور ستون ہیں، اس لحاظ سے، دشمنوں کے اھداف کا مقابلہ کرنے کے لئے مزاحمت کو مضبوط اور قوی کرنے کی ضرورت ہے اور کسی بھی قیمت پر مزاحمت کے مقام و منزلت کو کمزور نہیں ہونا چائیے ۔شیخ نابلسی نے اسی طرح لبنان کی فوج کو اس ملک کے اتحاد و وحدت کی بنیاد قرار دیا اور کہا کہ دشمن لبنان میں فتنے کو ہوا دیکر یہ چاہتا ہے کہ اس ملک کے اتحاد اور ڈھانچے کو نقصان پہنچائے ۔ لبنان کے اس معروف عالم دین نے مزید کہا کہ وہ لوگ کہ جو آج وطن کے دفاع کی راہ میں مزاحمت و فوج کی مجاہدت و فداکاری کو نظرانداز کرتے ہیں یہ بھول جاتے ہیں کہ لبنان کی سلامتی اور وقار میں اضافہ اس ملک کی مزاحمت اور فوج کی کوشیشوں سے ہوا ہے ۔
