لبنان شام میں غیر ملکی مداخلت کے خلاف

لبنان کے صدر نے شام میں ہر قسم کی غیرملکی فوجی مداخلت کے حوالے سے اپنے ملک کی مخالفت کا اعلان کیا ہے ۔ مصر کی الیوم السابع خبر رساں ایجنسی کی رپورٹ کے مطابق لبنان کے صدر میشل سلیمان نے آج بیروت میں اقوام متحدہ کی سلامتی کونسل کے رکن ممالک کے سفیروں کے ساتھ ملاقات میں کہا شام میں فوجی مداخلت کی مخالفت ، لبنان کی حکومت کا اصولی موقف ہے ۔ لبنان کے صدر نے شام کے بحران کے پر امن راہ حل اور اس ملک کے عوام کی مشکلات کے خاتمے کے لئے ، عالمی برادری کی کوشیشوں کا مطالبہ کیا ۔