شام میں کیمیائی ہتھیاروں کا استعمال، منصفانہ تحقیقات کی ضرورت

روس کے سینٹ پیٹرز برگ میں صحافیوں سے بات چیت میں ہندوستان کے منصوبہ بندی کمیشن کے نائب صدر مون ٹیك سنگھ اہلواليا نے کہا کہ روس کے صدر ولادیمير پیوتین کی طرف سے جی-20 کے رہنماؤں کے اعزاز میں منعقدہ عشائیہ میں ہندوستان کے وزیر اعظم منموہن سنگھ نے گفتگو کرتے ہوئے کہا کہ ان کا ملک، شام کے خلاف کسی بھی طرح کی کارروائی سے پہلے اس بات کا یقین حاصل کئے جانے کے حق میں ہے کہ وہاں کے حقائق کیا ہیں۔ انہوں نے کہا کہ تمام ممالک کو اقوام متحدہ کے انسپکٹرز کی رپورٹ کا انتظار کرنا چاہئے اور اگر اس رپورٹ سے کیمیائی ہتھیاروں کے استعمال کی تصدیق ہوتی ہے، تبھی اقوام متحدہ کے زیر نگرانی کوئی کارروائی کی جانی چاہئے۔ انہوں نے کہا کہ شام کے بحران کا حل ڈھونڈنےتك جارحانہ طریقوں سےگریز سے کیا جانا چاہیئے۔ قابل ذکر ہے کہ اسلامی جمہوریہ ایران، پاکستان اور ہندوستان سمیت دنیا کے بیشتر ممالک، شام کے خلاف امریکی فوجی کاروائی مخالفت کرتے ہوئے اس سلسلے میں کسی بھی قسم کے اقدام کو اقوام متحدہ کی سلامتی کونسل کے دائرے ہونے کی ضرورت پر زور دے رہے ہیں۔