ترکي: داعش کے خلاف جنگ کی ضرورت پر تاکید

حزب اختلاف کي جانب سے عہدہ صدارت کے اميدوار اکمل الدين احسان اوغلو نے دہشت گرد گروہ داعش کے خطرات کا ذکرکرتے ہوئے کہاکہ يہ ايک خطرناک اور خون آشام گروہ ہے جو انتہائي بے رحمي کے ساتھ عام لوگوں کا خون بہاتا ہے ملکوں کو تباہ کرتا ہے اور آج دين اسلام کو بھي اس گروہ نے بے پناہ نقصان پہنچايا ہے ۔

اکمل الدين احسان اوغلو نے اس بات کا ذکرکرتے ہوئے کہ تکفيري دہشت گرد گروہ داعش کے اقدامات کو کسي بھي قيمت پر اسلام سے نہيں جوڑنا چاہئے کہا کہ انہوں نے پچھلے دس سال کے دوران جب وہ او آئي سي کے سکريٹري جنرل رہے ہيں بارہا يہ اعلان کيا ہے کہ اس قسم کے افراد اور ان کے اقدامات کو اس بات کا حق نہيں ہے کہ وہ اسلام سے اپنے آپ کو جوڑيں بلکہ اس قسم کے گروہ جرائم پيشہ گروہ ہيں اور يہ ايسے مجرم ہيں جن سے مجرموں والا ہي سلوک کرنا چاہئے ۔-