آل خلیفہ کے گماشتوں کا لوگوں کے گھروں پر حملہ

بحرینی حکومت کے گماشتوں نے آج منامہ شہر کے جنوبی علاقے المعاییر میں واقع عام لوگوں کے گھروں پر حملہ کر کے کئی افراد کو گرفتار کر لیا ہے تاھم گرفتار کئے گئے افراد کی تعداد معلوم نہیں ہو سکی۔
آل خلیفہ حکومت کے گماشتے اپنے دھشتگردانہ اقدامات کو جاری رکھتے ہوئے اپنے ملک کے باشندوں کے گھروں پر رات کو چھاپے مار کر انہیں اذیت و آزار پہنچاتے ہیں۔
ایک ایسے ہی حملے کے باعث آل خلیفہ حکومت کے گماشتوں نے چند روز قبل ایک خاتون کو اس کے گھر پر ضرب و شتم کر کے شہید کر دیا تھا جبکہ اس کے اکلوتے بیٹے کو گرفتار کر لیا تھا۔