مصر اخوان المسلمین کے تین ہیڈکواٹر نذر آتش/ محمد مرسی صدارتی محل سے فرار

مصر میں صدر محمد مرسی کے مخالفین نے تین صوبوں میں حکومت کے ہیڈ کواٹروں کو نذر آتش کر دیا ہے۔
المیادین کی رپورٹ کے مطابق حکومت مخالف افراد نے صوبہ اسکندریہ، صوبہ بحیرہ اور صوبہ دقہلیہ میں اخوان المسلمین کے تین ہیڈکواٹروں کو نذر آتش کر دیا ہے۔
اطلاعات کے مطابق محمد مرسی کے بیانات پر رد عمل ظاہر کرتے ہوئے التحریر اسکوائر، نیز اسکندریہ اور نیل ڈیلٹا میں لاکھوں کی تعداد میں حکومت مخالف افراد نے احتجاجی مظاہرے کر کے محمد مرسی کی حکومت کے خلاف نعرے بلند کئے۔
عرب ذرائع نے بتایا ہے کہ محمد مرسی اپنے اہل و عیال سمیت سیکیورٹی دستوں کی حفاظت میں اپنے صدارتی محل سے بھاگ کر کسی پر امن جگہ منتقل ہو گئے ہیں۔