مشرق وسطی
آل خلیفہ کے مظالم جاری سيد عدنان الموسوی انقلاب بحرین کے قافلہ شہداء میں شامل
سید عدنان الموسوی کی شہادت کل کے مظاہروں میں آل خلیفہ اور آل سعود کے جلادوں نے زہریلی گیس استعمال کی تھی جس کی وجہ سے سید عدنان الموسوی بھی انقلاب بحرین کے شہیدوں کے قافلے میں شامل ہوگئے ہیں
رپورٹ کے مطابق کل خلیفی فوجی عدالت سے ایک سنی انقلابی راہنما سمیت 10 قائدین انقلاب اور کئی دیگر افراد کو عمر قید اور 2 سے پندرہ سال کی قید کی سزائیں دیئے جانے کے بعد بحرینی عوام نے مختلف شہروں اور قصبوں میں احتجاجی مظاہرے کئے اور آل خلیفہ اور آل سعود کے گماشتوں نے مختلف علاقوں میں مظاہرین کو منتشر کرنے کے لئے زہریلی گیس کا بے تحاشا استعمال کیا جس کے نتیجے میں کئی افراد زخمی اور کئی بے ہوش ہوگئے۔38 سالہ سید عدنان الموسوی ان ہی افراد میں سے ایک تھے جو زہریلی گیس کی وجہ سے بے ہوش ہوگئے تھے اور آج انھوں نے سانس کی شدید تکلیف کی بنا پر شہادت پائی اور یوں انقلاب بحرین کے شہداء کی تعداد 38 ہوگئی۔