داعش کا خلیفہ ملعون ابوبکر البغدادی زخمی، درجنوں دھشتگرد ہلاک
ریڈیو تہران کی رپورٹ کے مطابق عراق ميں تکفيري دہشتگر گروہ داعش کے ٹھکانوں پر عراقي فوج کے فضائي اور زميني حملوں ميں جمعے کو بھي درجنوں دہشتگرد ہلاک کرديئے گئے رپورٹوں ميں بتايا گيا ہے کہ عراقي فضائيہ کے ايک حملے ميں داعش کا سربراہ ابوبکر البغدادي زخمي ہوگيا ہے۔
عراقي ذرائع نے بتايا ہے کہ صوبہ الانبار کے شہر قائم پر عراقي فوج کے ہوائي حملے ميں داعش کا سرغنہ ابوبکر البغدادي زخمي ہوگيا ہے ۔
اسي طرح صوبہ الانبار ميں ايک کاروائي کے دوران داعش کے دو کمانڈروں ابوعلي الموصلي اور ابو محمد التونسي کے ہلاک ہونے کي بھي خبر ملي ہے۔ بتايا جاتا ہے کہ ابو محمد التونسي اس سے قبل شام کے شہر البوکمال ميں دہشت گردوں کي کمان کرتا رہا ہے جبکہ ابوعلي الموصلي عراقي شہر القائم سٹي ميں تعينات تھا۔
ادھر اطلاعات ہيں کہ عراقي فضائيہ نے آج بروزجمعہ صوبہ صلاح الدين ميں دہشت گردوں کے ٹھکانوں کو اپني بمباري کا نشانہ بنايا ہے جس کے نتيجے ميں الشرقاط کے علاقے ميں داعش سے وابستہ دہشت گردوں کي ايک بڑي تعداد ہلاک ہوگئي ہے، جبکہ ابونبيل سے معروف داعش کا ايک سرغنہ بھي ماراگيا ہے۔ بتايا جاتا ہے کہ صوبے ميں عراقي افواج مسلسل پيشقدمي کررہي ہيں اور اس صوبے کے متعدد علاقوں، منجملہ العنويات کو دہشت گردوں سے واپس لے ليا گيا ہے۔ يہ علاقہ العوجہ اور تکريت کے درميان واقع ہے۔
عراقي سيکورٹي فورس نے العنويات کے علاقے ميں داعش کے ايک نام نہاد مفتي کو بھي ہلاک کرديا ہے۔
اس کے ساتھ ہی عراقي فوج کے ذرائع نے خبردي ہے کہ تکريت ميں ايک ہوائي حملے ميں داعش کي دو گاڑيوں کو نشانہ بنايا گيا ہے کہ جس کے نتيجے ميں اس پر سوار تمام دہشت گرد ہلاک ہوگئے ہيں ان گاڑيوں پر بڑي مقدار ميں اسلحہ اور گولہ بارود بھي لدا ہوا تھا۔
درايں اثنا تکريت کے علاقے ” القصر الراسي” ميں ہونے والي ايک جھڑپ ميں بدنام زمانہ دہشت گرد گروہ داعش کے کم از کم اٹھاسي مسلح افراد مارے گئے ہيں۔ اس کاروائي ميں دہشت گردوں کے زير استعمال اسلحے سے ليس بارہ گاڑياں مکمل طور سے تباہ ہوگئي ہيں۔ ايک اور رپورٹ کے مطابق تکريت ميں ايک ہوائي حملے ميں بھي داعش کي دو گاڑيوں کو نشانہ بنايا گيا ہے کہ جس کے نتيجے ميں اس پر سوار تمام دہشت گرد ہلاک ہوگئے ہيں۔ ان گاڑيوں پر بڑي مقدار ميں اسلحہ اور گولہ بارود بھي لدا ہوا تھا۔
ادھر صوبہ بابل ميں عراقي فضائيہ اور زميني فوج نے ايک مشترکہ کاروائي ميں داعش گروہ کے متعدد ٹھکانوں کو تباہ کرديا ۔ اس کاروائي ميں چاليس دہشت گرد مارے گئے ہيں۔اسي طرح کي خبريں صوبہ ديالي سے بھي موصول ہوئي ہيں کہ جہاں عراقي سيکورٹي فورس اور عوامي رضاکاروں نے داعش کے خلاف اپني پيشقدمي جاري رکھتے ہوئے اس صوبے کے تين مقامات، الدواليب، شروين اور الشوالي کو دہشت گردوں کے وجود سےمکمل طور پر پاک کرديا ہے۔
ادھر داعش کے دہشت گردوں نے عراقي فوج کے حملوں سے خود کو محفوظ رکھنے کے لئے موصل کے جنوب مشرق ميں واقع ايک علاقے سے شبکي قبائل سے تعلق رکھنے والے پچاس کے قريب کرد باشندوں کو اغوا کرليا تھا جنہيں انساني ڈھال کے طور پر استعمال کر رہے ہيں۔