عراق
تکفیری دہشتگردوں کے ہاتھوں عراقی عوام کے قتل عام کی مذمت
عراقی صدر کے مشیر اور جمعیت علماء عراق کے سربراہ شیخ خالد الملا نے تکفیری دہشتگردوں کے ہاتھوں عراقی عوام کے قتل عام کی مذمت کی ہے۔ شیخ خالد الملا نے فارس نیوز سے گفتگو میں کہا کہ ہر وہ حادثہ جس میں عراقی عوام کا جانی نقصان ہوتا ہے، قابل مذمت ہے۔ انہوں نے کہا کہ دینی اور سیاسی رہنماؤں کو چاہیئے کہ وہ آئے دن ہونے والی مجرمانہ کاروائیوں پر رد عمل دکھائیں۔ انہوں نے کہا کہ جن لوگوں نے عراقی قوم کو نشانہ بنایا ہے وہ مجرم دہشتگرد اور تکفیری ہیں اور ان کا مقصد عراق کے ٹکڑے کرنا ہے۔ ادھر عراق آزاد اتحاد کے سربراہ ابراہیم الجبوری نے کہا ہے کہ ائمہ مساجد اور عوام کو دہشتگردی کا نشانہ بنانے والوں کا ہدف عراق میں مذہی جنگ شروع کرنا ہے۔ ابراہیم الجبوری نے کہا کہ دہشتگردوں کا کوئي دین نہیں ہوتا۔