عراق میں 45 مشتبہ افراد کی گرفتاری

عراق کی پولیس نے دہشتگردانہ کاروائیوں میں ملوث ہونے کے شبہہ میں 45 غیرملکیوں کی گرفتاری کی اطلاع دی ہے۔
نہرین خبررساں ایجنسی کی آجکی رپورٹ کے مطابق بصرہ پولیس کے سربراہ فیصل العبادی نے کہاکہ سیکوریٹی اداروں نے دہشتگرد گروہوں سے وابستہ 45 افراد کو گرفتار کرلیا ہے جو پاکستان ، ہندوستان اور بنگلہ دیش کے شہری ہیں۔
العبادی نے سعودی عرب، متحدہ عرب امارات،لیبیا،تیونس اور اردن جیسے بعض بیرونی ممالک کے شہریوں کی جانب سے دہشتگرد گروہوں کے ساتھ تعلقات کا ذکر کرتے ہوئے کہا کہ گرفتار ہونیوالے افراد کے پاس کوئی ایسی شناختی دستاویزات موجود نہیں ہیں جن سے انکی شہریت معلوم ہو۔