واقعۂ کربلا، دشمن شکن اور قوت بخش واقعہ ہے
اسلامی جمہوریہ ایران کے دارالحکومت تہران کے آج کے خطیب جمعہ آیۃ اللہ جنتی نے کہا ہے کہ ماضی کی کارکردگی سے اس بات کی نشاندہی ہوتی ہے کہ مغربی ممالک حق پسند نہیں ہیں اور ہمیشہ صرف مراعات حاصل کرنے کی کوشش کرتے ہیں جبکہ مراعات دینے سے گریز کرتے ہیں۔
انھوں نے ایران اور گروپ پانچ جمع ایک کے جنیوا مذاکرات کی طرف اشارہ کرتے ہوئے کہا کہ گروپ پانچ جمع ایک کو چاہیئے کہ ایران کے جوہری مسئلے میں حقیقت پسندی کا مظاہرہ کرے اور کوئی ایسا فیصلہ نہ کرے جو ایران اور خود اس کے نقصان میں ہو۔
تہران کے آج کے خظیب جمعہ آیۃ اللہ جنتی نے لبنان کے دارالحکومت بیروت میں ایران کے سفارت خانے کے سامنے ہونے والے بم دھماکوں کے بارے میں بھی کہا کہ ان دھماکوں میں شکست خوردہ غاصب صیہونی حکومت کا ملوث ہونا نمایاں ہے جو لبنان، غزہ اور دیگر علاقوں میں مسلمان انقلابی قوتوں سے انتقام لینے کی کوشش کررہی ہے۔
خطیب جمعہ تہران نے اسی طرح ہفتۂ بسیج کے آغاز کا ذکر کرتے ہوئے کہا کہ ایران کے اسلامی جمہوری نظام میں عوام کی رضاکار فورس بسیج، الہی برکات و الطاف میں سے ہے اور اس قوت کو چاہیئے کہ عالمی حکومت اسلامی کے قیام کی کوششوں کی فکر میں رہے۔
آیۃ اللہ جنتی نے واقعۂ کربلا اور نواسۂ رسولۖ کی شہادت کو سبق و عبرت آموز اور اسی طرح تربیت کنندہ و پرورش دہندہ قرار دیتے ہوئے کہا کہ واقعۂ کربلا، دشمن شکن اور قوت بخش واقعہ ہے۔