ایران
مسلمان متحد اور دوست رہیں۔ آیت اللہ خامنہ ای
رہبرانقلاب اسلامی حضرت آیت اللہ العظمی خامنہ ای نے کہا کہ امت مسلمہ ایک عظیم اورباصلاحیت مجموعہ ہے اورمسلمان قوموں کوچاہئےکہ وہ چاہےجہاں بھی رہیں ایک دوسرےکےمتحد اور دوست رہیں۔رہبرانقلاب اسلامی نےافریقہ کی اہمیت کی جانب اشارہ کرتےہوئے فرمایاکہ سامراج کامداخلت پسند ہاتھ،طویل عرصےسے ، افریقہ بالخصوص اس براعظم کےمغربی علاقےکےلئے بہت سےمسائل پیدا کئےہوئےہے لیکن اب قومیں بیدارہوچکی ہیں اورایک دوسرے کےساتھ تعاون کی زمین تلاش کررہی ہیں۔ رہبرانقلاب اسلامی نےافریقہ اوراس براعظم کےامن وسیکورٹی کی اہمیت اور تعمیروترقی پرتاکید کی ۔
اس موقع پرگینےبیساؤ کےصدر نےکہاکہ میں نےایران میں اپنےقیام کےدوران ایران کی بعض صنعتی اور سائنسی صلاحیتوں اور ترقی کاخود مشاہدہ کیاہے اور انھیں دیکھ کرحیرت زدہ رہ گیاہوں۔
مالام باسای سانھانےمزید کہاکہ ملت ایران کی توانائیاں ، اور حیرت انگیزترقی قوموں کےلئےباعث فخرشمار ہوتی ہیں۔
