ایران اور ایٹمی توانائی ایجنسی کے درمیان تعاون پر تبادلہ خیال

شیعیت نیوز: ایرانی نائب وزیر خارجہ کاظم غریب آبادی نے اپنے ایکس اکاؤنٹ پر لکھا: بین الاقوامی ایٹمی توانائی ایجنسی کے ڈائریکٹر جنرل کے ساتھ گفتگو واضح اور تعمیری رہی۔

اس ملاقات میں ایران اور ایجنسی کے درمیان تعاون اور جوہری تنصیبات کی حفاظت سے متعلق تازہ ترین پیش رفت اور پابندیوں کے خاتمے پر تبادلہ خیال کیا گیا۔

بھی پڑھیں: ایران اور جاپان کے وزرائے خارجہ کی ٹیلی فونک گفتگو: دو طرفہ تعلقات اور علاقائی تعاون پر تبادلہ خیال

انہوں نے کہا کہ ایران اور ایجنسی کے درمیان تعاون کی ایک طویل تاریخ ہے جو انہیں چند موجودہ اختلافات کو حل کرنے کے قابل بناتی ہے، بشرطیکہ ایجنسی پر بیرونی سیاسی دباؤ ختم ہو اور ایجنسی ایک آزاد، تکنیکی، غیر جانبدارانہ اور پیشہ ورانہ طریقہ اختیار کرے۔

غریب آبادی نے مزید کہا کہ ایران اپنی سلامتی اور قومی مفادات کا تحفظ کرتے ہوئے ایجنسی کے ساتھ اپنی حفاظتی ذمہ داریوں کے دائرہ کار میں تعاون کرنے کا پابند ہے۔