ہم لبنان کی داخلی سلامتی پر حملے کی کسی بھی کوشش کی مخالفت کرتے ہیں، شیخ نعیم قاسم
شیعیت نیوز: لبنان کی حزب اللہ کے ڈپٹی سکریٹری جنرل نے تاکید کی کہ حزب اللہ لبنان کی داخلی سلامتی پر حملے کی کسی بھی کوشش کا مقابلہ کرے گی اور اندرونی مسائل کے حل کے لیے قریبی نظریات لانا چاہتی ہے۔
احد نیوز سائٹ کے حوالے سے، لبنان کی حزب اللہ کے ڈپٹی سکریٹری جنرل شیخ نعیم قاسم نے اس ملک کے صدر کے انتخاب کے معاملے پر تاکید کرتے ہوئے کہا کہ حزب اللہ جس صدر کو چاہتی ہے وہ ایسا شخص ہے جو سر تسلیم خم نہ کرے۔ ملک کے اندر اور باہر کوئی بھی ہو اور اشتعال انگیز نہ ہو۔
انہوں نے لبنان کے نئے صدر کے انتخاب سمیت حل نہ ہونے والے داخلی سلامتی مسائل کے بارے میں کہا کہ حزب اللہ نے نظریات کو ایک دوسرے کے قریب لانے کے لیے مذاکرات پر زور دیا۔
شیخ نعیم قاسم نے اس بات پر زور دیا کہ جو لوگ لبنان میں تقسیم کے خواہاں ہیں وہ اس ملک کے بحران کو طول دینے کی طرف قدم اٹھا رہے ہیں۔
انہوں نے اس بات پر زور دیا کہ حزب اللہ اندرونی امن و استحکام اور قومی اتحاد کو نقصان پہنچانے کی کسی بھی کوشش کو روکے گی۔
یہ بھی پڑھیں : حزب اللہ کے سینئر کمانڈر شہید عماد مغنیہ کے قاتلانہ آپریشن میں کون کون ممالک تھے ملوث؟
لبنان میں مشیل عون کی 6 سالہ صدارت پیر (9 نومبر) کو ختم ہو گئی۔
لبنان کے صدارتی ادارے میں اس کے بعد سے سیاسی جماعتوں کے اصرار اور ان کے عہدوں اور امیدواروں کے سلسلے میں جاری خلاء نے اس ملک کے نئے صدر کے انتخاب کے معاملے کو ایک سنگین مسلہ میں ڈال دیا ہے۔
دوسری جانب لبنانی فوج نےجنوبی بارڈر پر اسرائیلی فوج کی نقل وحرکت اور پیش قدمی کے بعد فوج کو الرٹ کردیا۔ اسرائیلی فوج کو جنوب میں ’’تکنیکی باڑ‘‘ کی طرف بڑھتے دیکھا گیا تھا۔
قومی انفارمیشن ایجنسی کے مطابق اسرائیلی افواج بکلن ، ڈی 9 گریگس پر مشتمل ہیں جو ایک بکتر بند سپاہیوں اور انفنٹری کا حصہ ہیں۔ لبنانی فوج کا کہنا ہے کہ صبح سے وادی ہونین میں تکنیکی باڑ سے باہر لبنانی فوج نقل وحرکت کررہی ہے۔
سرکاری ایجنسی نےبتایا کہ اس خطے میں بلیو لائن کی کسی بھی خلاف ورزی کو روکنے کے لئے دشمن کے سامنے لبنانی فوج کو متحرک کرنے کی تیاری کی جا رہی ہے۔
