سعودی عرب کے ملک عبدالله ائیر پورٹ پر ڈرون حملہ، 4 زخمی

شیعیت نیوز: یمن کی فوج اور رضا کار فورس انصار اللہ نے پیر کی رات جارح سعودی اتحاد کی مسلسل جارحیتوں کے جواب میں جنوبی سعودی عرب کے ملک عبدالله ہوائی اڈے پرایک بار پھر ڈرون حملہ کیا ہے۔
مھر خبر رساں ایجنسی کی رپورٹ کے مطابق یمنی فوج اور عوامی رضاکار فورس انصار اللہ نے سعودی اتحاد کی وحشیانہ جارحیت کے جواب میں جنوبی سعودی عرب کے علاقے جیزان کے ملک عبدالله ایر پورٹ پر ڈرون حملہ کیا جس کے نتیجے میں 4 افراد زخمی ہوئے۔ تاہم سعودی عرب کے ٹیلی ویژن چینل نے دعوی کیا کہ اس ڈرون کو مار گرایا گیا ہے۔
یہ بھی پڑھیں : دنیائے عیسائیت کے روحانی پیشوا پاپ فرانسس بھی یمن میں سعودی انسانیت سوز مظالم کےخلاف بول پڑے
واضح رہے کہ سعودی عرب نے امریکہ، متحدہ عرب امارات اور اسرائیل کی حمایت سے اور اتحادی ملکوں کے ساتھ مل کر مارچ دوہزار پندرہ سے یمن پر وحشیانہ حملے کررہا ہے اور اس ملک کا بری بحری اور فضائی محاصرہ بھی کئے ہوئے ہے۔
یمن میں سعودی عرب اور اس کے اتحادیوں کی بمباری میں اب تک سولہ ہزار سے زیادہ یمنی شہید اور زخمی ہوچکے ہیں جبکہ دسیوں ہزار افراد بے گھر اور دربدر ہوچکے ہیں۔
یہ بھی پڑھیں : ایران کے ساتھ مذاکرات کے منتظر ہیں، سعودی عرب کے وزیر خارجہ کا دعویٰ
سعودی عرب کی فوجی جارحیت کے نتیجے میں غریب عرب ملک یمن کو غذاؤں اور دواؤں کی شدید قلت لاحق ہوگئی ہے- یمنی عوام کی استقامت کے باعث سعودی عرب اور اس کے اتحادیوں کو اب تک اپنے مذموم اہداف میں کامیابی حاصل نہیں ہوسکی ہے۔
سعودی عرب اور متحدہ عرب امارات کی جانب سے مارچ دوہزار پندرہ سے یمن کو وحشیانہ حملوں کا نشانہ بنانے کا ایک مقصد اپنے ایجنٹ منصور ہادی کو دوبارہ برسراقتدار لانا اور اس ملک کے ذخائر پر قبضہ کرنا ہے۔