امریکی قابض افواج کی دیر الزور میں فضائی کارروائی، تین شہری شہید
شیعیت نیوز: شام میں دیر الزور کے مشرقی دیہی علاقوں کے البوسیرہ قصبے میں پیر کی صبح سویرے امریکی قابض افواج کی فضائی کارروائی کے دوران تین شہری شہید ہوگئے۔
مقامی ذرائع نے رپورٹ کیا کہ امریکی قابض افواج کے جنگی طیاروں نے البصیرہ قصبے اور اس کے آس پاس دیر ایزور دیہی علاقوں میں QSD ملیشیا کی حمایت سے بڑے پیمانے پر فضائی کارروائی کی۔
ایئر ڈراپ کے ساتھ گھروں اور زرعی زمینوں پر شدید اور اندھا دھند فائرنگ کی گئی، جس سے ایک ہی خاندان کے تین شہری شہید ہوئے۔
ذرائع نے مزید بتایا کہ امریکی قابض فوج نے شہر پر چھاپے کے دوران متعدد مقامی لوگوں کو اغوا کر کے نامعلوم مقام پر لے گئے۔
یہ بھی پڑھیں : امریکی افواج نے داعش کے خلاف جنگ کے بہانے شامی شہریوں کا قتل عام کیا، امریکی انٹیلیجنس
دوسری جانب شام میں غاصب امریکی فورسز کے کنٹرول میں موجود فوجی چھاؤنیوں پر حملوں کا سلسلہ جاری ہے۔ انہیں حملوں کی تازہ کڑی میں سے ایک فوجی چھاؤنی نشانہ بنی۔
پیر کے دن مشرقی شام کے صوبے دیرالزور کے مضافات میں العمر آئل فیلڈ میں امریکہ کی غیر قانونی چھاونی پر نامعلوم افراد نے کئی میزائیل مارے۔
مقامی لوگوں کا کہنا ہے کہ اس چھاونی سے کم سے کم 4 دھماکوں کی آوازیں سنائی دیں اور دھوئیں کے بادل آسمان کی طرف اٹھتے نظر آئے۔
عینی شاہدین کے مطابق، دھماکے کے بعد امریکی ڈرون علاقے میں آیل فیلڈ کی نگرانی کرتے ہوئے نظر آئے۔
