سعودی عرب کی جیلوں میں قید خواتین پر ظلم و ستم اور جنسی تشدد

شیعت نیوز: الجزیرہ ٹیلی ویژن چینل نے سعودی عرب کے شہر جدہ کی ذھبان جیل میں قید خواتین قیدیوں پر ظلم و ستم اور جنسی تشدد سے پردہ اٹھاتے ہوئے ایک ڈاکومینٹری فلم دکھائی ہے ۔

اس ڈاکومینٹری فلم میں کہ جس کا نام ذھبان کی جیل میں قید خواتین ہے، یمنی دیسای اپنے اوپر تشدد کی داستان سناتی ہے ۔ ان کا کہنا ہے کہ حائل یونیورسٹی کے سکیورٹی اہلکار اسے شکنجہ دینے والی ایسی جگہ منتقل کرتے ہیں کہ جو ذھبان جیل کے قریب ایک شہزادے کی جگہ ہے۔

یہ بھی پڑھیں : سعودی عرب: مکہ مکرمہ کی آبادی کا 70 فیصد حصہ کورونا وائرس میں مبتلا

سعودی عرب کی سرگرم خاتون لجین الھذلول کی بہن علیاء الھذلول کا کہنا تھا کہ ان کی بہن لجین الھذلول پر جیل میں بہت تشدد ہوا اور یہ تشدد ان سے کچھ اگلوانے کیلئے نہیں ہوا بلکہ سعودی آلہ کار خواتین پر تشدد کرنے سے لطف اندوز ہوتے ہیں۔

سعودی عرب کی ایک اور سرگرم خاتون سحر الفیفی نے کہا کہ جیل کے سپاہیوں نے ایک خاتون کو ذہنی ٹارچر کرنے اور اس سے اعتراف لینے کے لئے اس کی عریاں تصاویر کھینچیں۔

یہ بھی پڑھیں : پاک افغان بارڈر پر قائم مسجد وامام بارگاہ پر داعشی دہشت گردوں کا حملہ

الجزیرہ ٹیلی ویژن چینل کی اس ڈاکو مینٹری فلم کے مطابق ذھبان جیل میں خواتین کو جنسی طور پر بھی ہراساں کیا جاتا ہے۔

واضح رہے کہ اس وقت سعودی عرب میں ولی عہد محمد بن سلمان کی پالیسیوں پر نکتہ چینی کرنے والے سیکڑوں سماجی شخصیات جیلوں میں قید ہیں۔