ایران
ملت ایران دھمکی میں آکر مذاکرات نہیں کرے گی;آیت اللہ العظمی سید علی خامنہ ای
رہبر انقلاب اسلامی نے فرمایا ہے کہ ملت ایران کسی طرح کی دھمکی اور دباؤ میں آکر مذاکرات نہیں کرے گی-
ایران بھر سے اساتذہ نے یوم معلم کی مناسبت سے آج بدھ کے دن رہبر انقلاب اسلامی کے ساتھ ملاقات کی- رہبر انقلاب اسلامی آیت اللہ العظمی سید علی خامنہ ای نے اساتذہ سے خطاب کرتے ہوئے فرمایا کہ ایران کی ملت کسی طرح کی دھمکی اور دباؤ میں آ کر مذاکرات نہیں کرے گی- رہبرانقلاب اسلامی نے یہ بات زور دے کر کہی کہ اگر امریکہ کو مذاکرات کی ضرورت ایران سے زیادہ نہ ہو تو اس سے کم بھی نہیں ہے- آپ نے مزید فرمایا کہ ہم دھمکی کے ساتھ کرائے جانے والے مذاکرات کے حق میں نہیں ہیں- آپ نے مزید فرمایا کہ ہماری مذاکراتی ٹیم کو ریڈ لائنز کا خیال رکھتے ہوئے مذاکرات کرنے چاہئیں اور توہین اور دھمکی کو قبول نہیں کرنا چاہئے۔