مقبوضہ فلسطین،حرم حضرت ابراہیم(ع) پر حملہ

مقبوضہ فلسطینی میں غاصب صیہونی حکومت کی سیکیورٹی فورسز نے حرم حضرت ابراہیم(ع) کو اپنی جارحیت کا نشانہ بنایا ہے۔ذرائع کے مطابق غاصب صیہونی حکومت کی سیکیورٹی فورسز نے کل غرب اردن کے شہر الخلیل میں اسحاقیہ کے علاقے میں اس مقام کو اپنی جارحیت کا نشانہ بنایا جہاں حضرت ابراہیم(ع) کا حرم مطہر واقع ہے۔اس سے قبل صیہونی فوجیوں نے صیہونی مراسم کے انعقاد کے بہانے حرم حضرت ابراہیم(ع) میں داخل ہونے کیلئے بنے ہوئے تمام دروازے بند کردیئے اور فلسطینی نمازیوں کو اس مقدس مقام میں داخل ہونے سے روک دیا تھا۔واضح رہے کہ سال بھر میں کوئی دس بار ایسے مواقع آتے ہیں جب غاصب صیہونی حکومت جضرت ابراہیم(ع) کے تمام دروازے بند کردیتی ہے۔