سعودی عرب میں آل سعود کے مظالم کے خلاف احتجاجی مظاہرے
سعودی عرب کے مختلف شہروں میں آل سعود حکومت کے مظالم کے خلاف احتجاجی مظاہرے وسیع تر ہوگئے ہیں اور مظاہروں سے ظاہر ہوتا ہے کہ آل سعود حکومت پرتشدد اقدامات کے باوجود عوام کے ارادوں کو کچلنے میں ناکام ہے۔
سعودی عرب کے مشرقی علاقے القطیف کے ایک نوجوان کی سعودی فوجیوں کی فائرنگ سے شہادت پر گزشتہ روز القطیف میں ہزاروں افراد نے مظاہرے کئے اور آل سعود کے مظالم کی مذمت کی۔رپورٹ کے مطابق آل سعود کے فوجیوں نے القطیف کے مرکز کی طرف جانے والے راستوں کو بند کردیا تھا اور مکانوں کی چھتوں پر مورچے بنالئے تھے اس کے باوجود ہزاروں افراد نے مظاہروں میں حصہ لیا۔مظاہرین نے عالمی برادری اور بین الاقوامی تنظیموں سے مطالبہ کیا ہے کہ سعودی عرب میں انسانی حقوق کی پامالی روکنے کے لئے فوری طور پر اقدام کریں۔
واضح رہے کہ جمعرات کی رات کو القطیف میں مظاہرین پر سعودی حکومت کے سیکورٹی اہلکاروں کی فائرنگ سے احمد المطر نامی نوجوان شہید ہوگيا تھا.