سعودی عرب
انقلاب مصر کی کامیابی پر؛سعودی عرب کے شیعہ عالم دین کی امت اسلامیہ و عرب دنیا کو مبارکباد
سعودی عرب کے ایک عالم دین سید منیرخباز نے آل سعود کے دربار سے وابستہ نام نہاد مفتیوں کے بر خلاف مصری ڈکٹیٹر حسنی مبارک کی برطرفی پر امت اسلامیہ اور عرب اقوام کو مبارکباد پیش کی ہے۔دوسری جانب آل سعودکے دربار سے وابستہ ایک مفتی کی طرف سے بعض عرب ملکوں میں عوامی مظاہروں پر تنقید کی وجہ سے سعودی عوام سخت بر ہم ہيں۔
اطلاعات کے مطابق سعودی عرب کے عوام اور انسانی حقوق کے لئے کام کرنےوالی شخصیات نے سعودی مفتی کے اس بیان کی مذمت کرتے ہوئے کہا ہے کہ مصری عوام کے مظاہرے جائز اور برحق ہیں۔
واضح رہے کہ تیونس اور مصر میں آنےوالے انقلابات کے بعد سعودی عرب میں مختلف سیاسی جماعتوں نے بنیادی سیاسی اصلاحات کا مطالبہ کیا ہے بعض خبروں میں یہ کہا جارہا ہے کہ مصری ڈکٹیٹر حسنی مبارک کے فرار کرجانے کے بعد بعض عرب حکومتوں میں سخت تشویش پائی جاتی ہے۔
