عراق
نوری المالکی مستقبل کی حکومت تشکیل دینے پر مامور
العالم ٹی وی چینل نے سومریہ نیوز ویب سائٹ کے حوالے سے رپورٹ دی ہے کہ حکومت قانون اتحاد سے تعلق رکھنے والے رکن پارلیمنٹ محمود الحسن نے ہفتے کے دن کہا کہ وزیر اعظم نوری مالکی نے صدر کو ایک خط ارسال کیا ہے جس میں حکومت قانون اتحاد کو سب سے بڑا پارلیمانی گروپ قرار دیتے ہوئے صدر سے مطالبہ کیا گيا ہے کہ وہ حکومت قانون اتحاد کے نامزد کو حکومت تشکیل دینے پر مامور کریں۔ واضح رہے کہ عراق کے پارلیمانی انتخابات کے نتائج سامنے آنے کے بعد بعض سیاسی گروہ نوری مالکی کی زیر قیادت حکومت قانون اتحاد سے مل گۓ ہیں جس کی وجہ سے پارلیمنٹ میں حکومت قانون اتحاد کی نشستوں کی تعداد ایک سو بارہ ہوگئی ہے۔