عراق میں دہشتگردوں کی ہلاکت و گرفتاری

عراقی وزارت داخلہ کے ترجمان سعد معن نے دہشتگردوں کی مجرمانہ کاروائيوں کی طرف اشارہ کرتے ہوئے کہا کہ سکیورٹی فورسز نے مختلف علاقوں میں پانچ دہشتگردوں کو ہلاک اور دیڑھ سو دیگر کو گرفتار کرلیا۔ ادھر عراقی فورسز نے بغداد کے جنوب میں واقع البیاع علاقے میں دہشتگردوں کا، ہتھیاروں کا ایک بڑا گودام پکڑا ہے۔ اطلاعات کے مطابق صحرائے الانبار میں بدامنی میں اضافہ ہونے کے بعد عراق نے شام کے ساتھ ملے سرحدی علاقے پر ایمرجنسی نافذ کردی ہے۔ واضح رہے کہ عراقی حکام کا کہنا ہےکہ ان کے ملک میں جاری دہشتگردی میں سعودی عرب ، قطر اور ترکی ملوث ہیں۔