عالمی وحدت اسلامی کانفرنس سےصدر احمدی نژاد کا خطاب

پیغمبراسلام،(ص)اسلامی تشخص کی علامت کےزیرعنوان چھبیسویں وحدت اسلامی عالمی کانفرنس آج تہران میں شروع ہوگئی ہے اس کانفرنس میں سوسےزیادہ اسلامی اورغیراسلامی ممالک کےعلماء اوردانشور شرکت کررہے ہیں۔
ہفتہ وحدت اورجشن میلادالنبی (ص) کی مناسبت سےہونےوالی اس کانفرنس میں تقریباایک ہزار ایرانی علماء اورمفکرین جبکہ عالم اسلام کی تین سوعلمی سیاسی اورثقافتی شخصیتیں حصہ لے رہی ہیں جس میں جامعۃ الازھر کےعلماء ، اورسوڈان ، شام اورتیونس کےمفتیان اعظم اورپاکستان وخلیج فارس نیزدوسرےممالک کےعلماء اورمفکرین بھی موجود ہیں پوری دنیا خاص طور پر عالم اسلام کے موجودہ حالات کے پیش نظر یہ کانفرنس بہت ہی اہمیت کی حامل ہے
اسلامی جمہوریہ ایران کے صدر ڈاکٹرمحمود احمدی نژاد نے چھبیسویں بین الاقوامی وحدت اسلامی کانفرنس کی افتتاحی تقریب سے خطاب کرتے ہوئے کہا کہ سعادت مندانہ زندگی اتحاد کے بغیر حاصل نہیں ہوسکتی۔
انہوں نے کہا کہ خدا وند متعال نے انسان کو مقابلے اور دشمنی کے لئے پیدا نہیں کیا ہے بلکہ انسان کی تخلیق اس لئے ہوئي ہے کہ وہ تعاون، اتحاد اور محبت کے ساتھ ایسا ماحول بنائے کہ پوری انسانیت سعادت مندانہ زندگي سے ہمکنار ہوسکے اور یہ کہ جتنا اخلاص زیادہ ہوگا اتحاد و یکجہتی بھی اتنی ہی زیادہ ہوگي۔
صدر مملکت نے اس بات کا ذکر کرتے ہوئے کہ دنیا اور علاقے کو درپیش مشکلات اور خطرات اختلافات سے پرہیز اور اتحاد کا تقاضا کرتے ہیں کہا کہ جو لوگ تسلط پسند اور اقتدار کے بھوکے ہیں وہ خدا اور حاکمیت خدا کی کوشش کرنے والوں کے ساتھ ہرگز نہیں ہوسکتے۔
اسلامی جمہوریہ ایران کے دارالحکومت تہران میں 26 ویں وحدت اسلامی بین الاقوامی کانفرنس سے خطاب کرتے ہوئے تیونس کے مفتئ اعظم شیخ عثمان بطیخ نے کہا ہے کہ عالم اسلام کے مسائل صرف مسلمانوں میں اتحاد کے ذریعے سے ہی حل کئے جاسکتے ہیں ۔ انھوں نے کہا کہ اسلام سے قبل دنیا جاہلیت کے دور میں تھی اور آنحضرتۖ کا ظہور اور قرآن مجید کا نزول مسلمانوں کیلئے رحمت بنا تاکہ وہ متحد ہوسکیں ۔ تیونس کے مفتئ اعظم شیخ عثمان بطیخ نے کہا کہ پیغمبر اسلام(ص) انسانیت کی نجات کیلئے مبعوث ہوئے اور مسلمانوں کو چاہیئے کہ آپ(ص) کی سیرت پر عمل اور آنحضرتۖ سے ایکبار پھر بیعت کریں ۔ اس کانفرنس سے خطاب کرتے ہوئے سوڈان کے علماء وفد کے سربراہ محمد صالح عثمان نے بھی اسلام میں دنیاوی و اخروی خواہشات میں توازن کا ذکر کرتے ہوئے تاکید کے ساتھہ کہا کہ علمی و سائنسی اور دینی و اقتصادی اتحاد، وحدت اسلامی کے ثمرات میں سے ہے ۔ شام کے مفتئ اعظم احمد بدرالدین حسون نے بھی اپنے خطاب میں حضور ختمی مرتبت(ص) اور اسی طرح شیعیان جہان کے چھٹے امام حضرت امام جعفر صادق(ع) کی ولادت با سعادت کی مناسبت سے مبارکباد پیش کرتے ہوئے کہا کہ اس وقت جبکہ امریکہ اور اسرائیل ماضی سے کہیں زیادہ علاقے کے مختلف ملکوں خاصطور سے عراق ۔ ایران ۔ شام اور افغانستان پر دباؤ بڑھا رہے ہیں عالم اسلام کو اتحاد کی اشّد ضرورت ہے ۔
۔سامعین عید میلادالنبی(ص)اور ہفتہ وحدت کی مناسبت سےپاکستان، ھردوستان اور ان ممالک کے زیر انتظام کشمیر میں اجلاس،سیمینار اورمختلف قسم کی تقریبات کے انعقاد کا سلسلہ بھی جاری ہے ۔