اسلامي ممالک ميانمارکےمسلمانوں کے قتل عام کے سلسلے ميں ٹھوس اقدام کريں
ايران کے بزرگ مرجع تقليد آيت اللہ العظمي صافي گلپائگاني نے اسلامي ملکوں سے کہا ہے کہ وہ ميانمار ميں مسلمانوں کا قتل عام بند کرانے کے لئے ٹھوس اقدام کريں
آيت اللہ صافي گلپائگاني نے ميانمار ميں مسلمانوں کے بہيمانہ قتل عام کي مذمت کرتے ہوئے کہا کہ اسلامي ملکوں کو چاہئے کہ وہ ان وحشيانہ اقدامات کو روکوانے کے لئے فوري طور پر ٹھوس فيصلے کريں –
آيت اللہ صافي گلپائگاني نے ساتھ ہي ميانمار کے مسلمانوں کے قتل عام کے سلسلے ميں مغربي ملکوں اور انساني حقوق کے دعويدار اداروں کي مجرمانہ خاموشي کي بھي سخت الفاظ ميں مذمت کي –
اس سے قبل قائد انقلاب اسلامي آيت اللہ العظمي خامنہ اي نے بھي ميانمار کے مسلمانوں کے قتل عام کي مذمت کرتے ہوئے فرمايا تھا کہ يہ واقعہ مغربي ملکوں کے دعوؤں کے جھوٹے ہونے کا ايک اور ثبوت ہے –
پارليمنٹ کے اسپيکر ڈاکٹر لاريجاني نے بھي اقوام متحدہ سے مطالبہ کيا ہے کہ وہ ميانمار کے مسلمانوں کے قتل عام کو روکوانے کے لئے وہاں امن محافظ فوج روانہ کرے –
واضح رہے کہ ميانمار کے مغربي علاقوں ميں مسلمانوں کے خلاف انتہا پسند بودھسٹوں اور پوليس کے وحشيانہ حملوں ميں مسلمانوں کا بڑے پيمانے پر قتل عام جاري ہے جس ميں اب تک دوہزار سے زائد برمي مسلمان مارے جاچکے ہيں جن ميں خواتين اور بچے بھي بڑي تعداد ميں شامل ہيں نسلي صفائي کي اس بي رحمانہ کاروائي ميں نوے ہزار سے زائد افراد بے گھر ہوچکے ہيں –
