وہابیوں کے جرائم مسلمانوں کے درمیان اختلاف کا باعث نہیں بنتے۔ آیت اللہ مکارم شیرازی

 آیت اللہ العظمی مکارم شیرازی نے اپنے مذمتی بیان میں کہا ہے کہ انتہاپسند وہابیت کے شجرہ خبیثہ نے ایک بار پھر اپنے مذموم اقدام کے ذریعے ـ جو ان کے عقائد کا ثمرہ ہے ـ زاہدان میں ہمارے عزیزوں کو خاک و خون میں تڑپا دیا۔

انہوں نے کہا: اندھادھند اور بزدلانہ دہشت گردی اور بے گناہ انسانوں کا وحشیانہ قتل عام ـ جو ان کے شرمناک اور انسانیت کش مذہب کی تعلیمات  کا نتیجہ ہے جو نہ خانہ خدا (مسجد) کے لئے حرمت کا قائل ہے اور نہ صغیر و کبیر پر رحم کرتا ہے ـ اس المئے کی گہرائی اور اسلام اور ہر قسم کے انسانی قانون سے اس کی بیگانگی کی روشن نشانی ہے۔

آیت اللہ العظمی مکارم شیرازی نے اپنے بیان میں مزید کہا ہے: یہ جو ہم دیکھ رہے ہیں کہ وہابیوں کے حملوں میں کام آنے والے سارے مسلمان ہیں، اس سے ظاہر ہوتا ہے کہ وہابیت کا جرائم پیشہ صہیونیت اور عالمی استکبار کے ساتھ رابطہ بہت ہی قریبی ہے۔

حضرت آیت‌اللہ العظمی مكارم ‌شیرازی نے اپنے بیان میں زور دے کر کہا ہے: ہم اس عظیم جرم کی شدید مذمت کرتے ہوئے اس حادثے میں شہید ہونے والے مسلمانوں کے اہل خانہ اور پسماندگان کو تہنیت و تعزیت پیش کرتے ہیں اور خداوند بزرگ سے زخمیوں کی جلد از جلد صحتیابی کی دعا کرتے ہیں اور علاقے کے تمام باشندگان سے اپیل کرتے ہیں کہ اس واقعے کو شیعہ اور سنی مذاہب کے پیروکاروں کے درمیان تفرقے اور نزاع کا سبب نہ بننے دیں کیونکہ جرائم پیشہ اور انسانیت کش عناصر اور ان کے پس پردہ ناپاک قوتوں کا مقصد یہی ہے اور ہم ملک کے محترم حکام سے تقاضا کرتے ہیں کہ پوری قوت اور تیزرفتاری کے ساتھ اس واقعے کے اصلی عوام اور ان سے گٹھ جوڑ کرنے والوں کے خلاف فیصلہ کن اقدام کرتے ہوئے انہیں جلد از جلد ان کے اعمال کی سزا دلوائیں اور اس قسم کے جرائم کی بیخ کنی کریں کیونکہ عوام اس سلسلے میں کوتاہی برداشت نہیں کریں گے۔