جوہری مراکز کو امریکی دھمکیاں مایوسی کی علامت ہیں، محمد اسلامی

شیعیت نیوز : ایرانی ادارہ جوہری توانائی کے سربراہ محمد اسلامی نے کہا ہے کہ ایران کے جوہری مراکز کو مسلسل امریکی دھمکیاں واشنگٹن کی بڑھتی ہوئی مایوسی کی علامت ہیں۔ انہوں نے ایک انٹرویو میں کوہ کلنگ اور دیگر مقامات پر حملوں کی دھمکیوں کا حوالہ دیتے ہوئے یہ موقف پیش کیا۔

محمد اسلامی نے بین الاقوامی جوہری توانائی ایجنسی کے سربراہ رافائل گروسی پر تنقید کرتے ہوئے الزام عائد کیا کہ وہ ایران کے جوہری پروگرام کی معلومات مخالفین تک پہنچا رہے ہیں۔ انہوں نے اسے بین الاقوامی اداروں کو تفویض کردہ اختیار کا غلط استعمال قرار دیا۔

یہ بھی پڑھیں : ایران کے پاس جوہری ہتھیار نہیں، مگر حملوں کی مذمت سے گریز، رافائل گروسی

انہوں نے کہا کہ ایسے اقدامات عالمی اداروں کی ساکھ پر سوال اٹھاتے ہیں اور اقوام متحدہ کے منشور اور جوہری عدم پھیلاؤ کے معاہدے میں موجود کمزوریوں کو نمایاں کرتے ہیں۔ محمد اسلامی نے ایجنسی کے سربراہ کے طرز عمل کو کھلا دوہرا معیار قرار دیا۔

این پی ٹی سے ایران کے ممکنہ انخلا کے سوال پر انہوں نے کہا کہ یہ ملک کے خودمختار اختیار کے تحت اعلیٰ سطح کے تزویراتی فیصلے کا معاملہ ہے۔ ان کے مطابق ایران اپنے فیصلے قومی سلامتی اور قومی مفادات پر مبنی وسیع تزویراتی دائرے میں کرتا ہے۔