سربراہ انصاراللہ کی جانب سے یمن پر حالیہ امریکی حملوں کا رد عمل آ گیا
یمنی تنظیم انصار اللہ کے سربراہ عبدالملک الحوثی نے کہا ہے کہ یمن اور فلسطین پر جارحیت کے جواب میں امریکی اور صہیونی جہازوں پر حملے جاری رہیں گے
شیعیت نیوز : انصار اللہ یمن کے رہنما عبدالملک بدرالدین الحوثی نے یمن پر حالیہ امریکی حملوں اور غزہ کے محاصرے پر ردعمل کا اظہار کرتے ہوئے کہا کہ امریکہ نے گزشتہ روز یمن پر جارحیت کا نیا سلسلہ شروع کیا ہے۔
ان حملوں کے نتیجے میں درجنوں عام شہری، جن میں خواتین اور بچے بھی شامل ہیں، شہید اور زخمی ہوچکے ہیں۔
ان حملوں کا بنیادی مقصد اسرائیل کی حمایت اور فلسطینی مزاحمت کو کمزور کرنا ہے۔
عالمی برادری اور اسلامی ممالک خاموشی توڑ کر غزہ کے محاصرے کے خاتمے اور یمن پر حملوں کو روکنے کے لیے فوری اقدامات کریں۔
یمنی عوام فلسطینیوں کے ساتھ کھڑے رہیں گے اور امریکہ و اسرائیل کی جارحیت کے خلاف ایمان، بصیرت اور عزم کے ساتھ مزاحمت جاری رکھیں گے۔
یہ بھی پڑھیں : مرکزی صدر آئی ایس او کی ہمدرد ہاؤس ملتان میں افطار ڈنر پر شرکت اور خطاب
یمنی عوام کسی بھی حالت میں اپنے ایمانی، قرآنی اور انسانی اصولوں سے پیچھے نہیں ہٹیں گے۔
ان جارحیتوں کا مقصد یمن پر دباؤ ڈالنا تھا، لیکن اس کے برعکس ان حملوں کے نتیجے میں یمن کی فوجی طاقت اور مزاحمت میں مزید اضافہ ہورہا ہے۔
امریکہ اور اسرائیل کبھی بھی یمن میں اپنے مقاصد حاصل نہیں کر سکیں گے۔
جب تک امریکہ اور اسرائیل فلسطین اور یمن پر حملے کریں گے، یمن بھی جوابی کاروائی میں امریکی اور صہیونی جہازوں اور تنصیبات کو نشانہ بناتا رہے گا۔
