شیعیت نیوز: رپورٹ کے مطابق، عبدالحمید خراسانی، جو "ناصر بدری” کے نام سے بھی جانے جاتے ہیں، نے گزشتہ سال ایران اور طالبان کے حکام کے درمیان ہیرمند کے پانی کے حقوق پر جاری بحث کے دوران ایران کو دھمکی دی تھی۔
عبدالحمید خراسانی کے قریبی ذرائع نے آماج نیوز کو بتایا کہ اس متنازعہ طالبان کمانڈر کو طالبان کے وزیر اعظم ملا حسن اخوند کے حکم پر فوجی کمیشن کے سامنے طلب کیا گیا تھا، اور اس کے بعد اسے گرفتار کر لیا گیا۔
یہ بھی پڑھیں : پاراچنار، انجمن حسینیہ کے زیرقیادت جرگہ
ذرائع کے مطابق، خراسانی اس وقت طالبان کے فوجی کمیشن کی جیل میں ہیں، اس کے افراد کو غیر مسلح کر دیا گیا ہے، اور اس کے تمام ساز و سامان کو بھی ضبط کر لیا گیا ہے۔
ذرائع نے یہ بھی کہا: "عبدالحمید خراسانی کو حقانی نیٹ ورک کے ذریعے قندھاریوں کے ہاتھ بیچا گیا ہے۔”
