بھارت میں پرتشدد واقعات بھارتی تہذیب کی روح کے منافی ہیں۔ علی لاریجانی
شیعت نیوز: ایران کی پارلیمنٹ کے اسپیکر علی لاریجانی نے بھارت میں ہونے والے حالیہ مسلم کش فسادات کی مذمت کرتے ہوئے کہا ہے کہ بھارت کے حالیہ واقعات بھارتی ثقافت اور تہذیب کی روح کے منافی ہیں، بھارتی حکومت کو تشدد روکنے کے سلسلے میں اپنی تمام ظرفیتوں سے استفادہ کرنا چاہیئے۔
یہ بھی پڑھیں : ایرانی عوام کا مسلمانوں کے قتل عام کے خلاف تہران میں بھارتی سفارتخانے پر احتجاج
ایک بیان میں ایرانی اسپیکر علی لاریجانی نے کہا کہ بھارت مختلف مذاہب، ادیان، زبانوں، تہذیبوں اور ثقافتوں کا گہوارہ رہا ہے اور اس کا سب سے بڑا طرہ امتیاز اور حسن یہی ہے کہ وہاں تمام ادیان اور مذاہب باہمی اتحاد اور یکجہتی کے ساتھ زندگی بسر کرتے ہیں اور اس یکجہتی اور اتحاد کو برقرار رکھنا موجود حکومت کی ذمہ داری ہے۔
یہ بھی پڑھیں : مسلمانوں پرمظالم، ایرانی وزیرخارجہ جواد ظریف کی مودی سرکار پر تنقید، بھارتی حکومت سیخ پا
علی لاریجانی نے کہا کہ بھارت کے بنیادی آئین میں تمام مذاہب اور ادیان کے حقوق کو اچھے اور صاف و شفاف طریقہ سے مدنظر رکھا گيا ہے جو بھارت کے بنیادی آئین کی شاندار خوبصورتی ہے۔
یہ بھی پڑھیں : یہی وقت ہے ہندوستان کے مسلمان راہ آزادی چن لیں، علامہ سید جوادنقوی
لاریجانی نے بھارتی حکومت پر زور دیا کہ وہ مسلمانوں اور دیگر ادیان کے خلاف تشدد کی لہر کو روکنے کے سلسلے میں اپنی ذمہ داریوں پر عمل کرے اور کشیدگی کو باہمی مذاکرات اور بھارت کے بنیادی آئین کے دائرے میں رہ کر حل کرنے کی کوشش کرے۔
یہ بھی پڑھیں : محمد جواد ظریف کی بھارت میں مسلمانوں کے خلاف تشدد کی مذمت
لاریجانی نے ایران اور بھارت کے تعلقات کو فروغ دینے کی اہمیت پر زور دیتے ہوئے کہا کہ تمام مذاہب اور ادیان کے درمیان بھائی چارہ بہت ضروری ہے اور بھارتی حکومت کو اس بات پر توجہ مبذول کرنی چاہیئے۔
