حماس: قدس شریف مسلم و عرب امت کا ابدی دارالحکومت ہے
18 دسمبر, 2012 11:22
فلسطین کی اسلامی مزاحمتی تحریک حماس کے سیاسی دفتر کے رکن عزت الرشق نے کہا ہے کہ قدس شریف فلسطین اور اسلامی و عرب امت کا ابدی دارالحکومت ہے۔
عزت الرشق نے کہا کہ صہیونی وزیراعظم کا یہ دعوی کہ قدس تین ہزار سال پہلے یہودیوں کا تھا، یہودیوں کو امید دلانے کی ایک ناکام کوشش ہے۔ انہوں نے کہا کہ نیتن یاہو کا دعوی تاریخی اور جغرافیائی حقائق میں تحریف کا باعث نہیں بنے گا۔ قدس ، فلسطین اور اسلامی و عرب امت کا ابدی دارالحکومت اور اسلامی امت کی عزت و کرامت کی ایک علامت اور عقیدے کا حصہ ہے۔ انہوں نے اس بات پر زور دیا کہ قدس صرف ملت فلسطین کے لیے ہے۔
