سعودی خفیہ ایجنسیاں النصرہ محاذ کی حمایت کر رہی ہیں

قدس سے شائع ہونے والے اخبار المنار نے اپنی رپورٹ میں باوثوق ذرائع سے موصولہ اطلاعات کی بنیاد پر لکھا ہے کہ سعودی عرب کی خفیہ ایجنسیاں کہ جن کے سربراہ شہزادہ بندر بن سلطان ہیں، شام میں دہشت گرد النصرہ محاذ کی حمایت کر رہی ہیں۔
اس رپورٹ کے مطابق النصرہ محاذ کے اکثر دہشت گرد اس سے قبل سعودی عرب کی جیلوں میں قید تھے جنہیں آزاد کرکے ترکی یا شام کے ديگر ہمسایہ ملکوں کے راستے شام میں داخل کیا گیا ہے اور اب وہ اپنے غیرملکی آقاؤں کے اشارے پر شام کے بےگناہ عوام کا خون بہا رہے ہیں۔ سعودی عرب کی خفیہ ایجنسیوں کے افسران،شام کے ایک ہمسایہ ملک میں خصوصی کنٹرول روم قائم کرکے النصرہ محاذ سے رابطہ قائم رکھے ہوئے ہیں اور اسے ہر قسم کی مدد فراہم کر رہے ہیں۔