سعودی عہدیدار: عرب دنیا میں ہونے والے مظاہرے کچل دو
10 دسمبر, 2012 09:26
سعودی عرب کے ایک اعلی عہدیدار نے کہا ہے کہ خلیج فارس کے عرب ممالک کو چاہیئے کہ اپنے ملکوں میں ہر قسم کی بدامنی کو سختی سے کچل دیں۔
منامہ سے ایسوشی ایٹید پریس کی رپورٹ کے مطابق سعودی عرب کے نائب وزیر خارجہ عبد العزیز بن عبداللہ نے آج بحرین میں ” منامہ مذاکرات ” کانفرنس میں علاقائی سلامتی کے حوالے سے کہا ان بد امنیوں سے مقابلے کے لئے پرامن رویہ اختیار کرنے کی صورت میں عرب ملکوں کی حکومتیں خطرے میں پڑ سکتی ہیں ۔
انہوں نے مزید کہا کہ کویت سے عمان تک کے عرب ممالک میں جو عدم استحکام کی صورتحال ہے اسے عرب ممالک برداشت نہیں کر سکتے ۔
واضح رہے کہ بحرین میں 14 فروری 2011 سے جو پرامن عوامی احتجاج ، آل خلیفہ کے خلاف ہورہا ہے اس میں بحرینی اور سعودی فورسیز کے ہاتھوں اب تک سینکڑوں افراد جاں بحق زخمی اور گرفتار ہوئے ہیں۔
