عراق، طارق ہاشمی کے خلاف نئے ثبوت

عراقی وزیر اعظم نوری مالکی نے اس ملک کی عدالتی کونسل کو نائب صدر طارق ہاشمی کے خلاف نئے ثبوت پیش کر دیۓ ہیں۔ 

عراق کے حکومت قانون اتحاد کے ایک رکن نے الفرات نیوز کو نام ظاہر نہ کرنے کی شرط پر بتایا ہے کہ نوری مالکی نے عراق کی عدلیہ کو دہشت گردانہ کارروائیوں میں طارق ہاشمی کے شریک ہونے کے نۓ ثبوت پیش کۓ ہیں۔ حکومت قانون اتحاد کے اس رکن نے مزید کہا ہے کہ ملک کی عدلیہ ان ثبوتوں کا جائزہ لے رہی ہے۔

واضح رہے کہ چند دن قبل دہشت گردانہ کارروائیوں میں ملوث ہونے کے الزام میں اس ملک کے نائب صدر طارق ہاشمی کی گرفتاری کے وارنٹ جاری کۓ گئے تھے۔ طارق ہاشمی کے وارنٹ گرفتاری جاری ہونے کے بعد وہ عراق کے علاقے کردستان بھاگ گۓ تھے اور اب بھی وہ اسی علاقے میں ہیں۔ عراقی وزیر اعظم نوری مالکی نے کرد حکام سے مطالبہ کیا ہے کہ وہ الزامات کے جواب دینے کے لۓ طارق ہاشمی کو بغداد کے عدالتی حکام کی تحویل میں دے دیں