مقتدی صدر: طارق ہاشمی پر مقدمے کا مطالبہ
27 دسمبر, 2011 08:31
عراق کے مقبول سیاسی مذھبی رہنما مقتدی صدر نے کہا ہےکہ نائب صدر طارق ہاشمی پر پارلمینٹ اور قوم کے سامنے مقدمہ چلایا جائے۔قابل ذکر ہے عراق کے نائب صدر طارق ہاشمی پر وزیر اعظم نوری المالکی کے خلاف دہشتگردی میں ملوث ہونے کا الزام ہے اور عراق کی عدلیہ نے ان کی گرفتاری کے وارنٹ جاری کئے ہیں۔
طارق ہاشمی کردستان عراق بھاگ گئے ہیں اور چاہتے ہیں کہ اسی علاقے میں ان پر مقدمہ چلایا جائے۔ امریکہ کے حمایت یافتہ العراقیہ اتحاد نے طارق ہاشمی کے خلاف عدلیہ کے اقدامات پر احتجاج کرتےہوئے حکومت اور پارلیمنٹ میں اپنی رکنیت معطل کردی ہے۔
