یمنی عوامی رضاکار فورس انصار اللہ کا مآرب کے 70 فیصد علاقوں پر کنٹرول
شیعیت نیوز: یمنی ذرائع سے موصولہ رپورٹ کے مطابق یمن کی فوج اور عوامی رضاکار فورس انصار اللہ کے جوانوں نے صوبہ مآرب کے 70 فیصد علاقوں کا کنٹرول حاصل کر لیا ہے۔
یمن کے صوبہ مآرب کے مغرب اور شمال مغرب میں یمنی فوج اورعوامی کمیٹیوں کی حالیہ پیش قدمی کے بعد ، صوبے کے ایک ممتاز شیخ اور سعودی اتحاد کے ایک ممبر نے کہا کہ مآرب شہر چند ہی دنوں میں فتح ہو جائے گا۔
لبنانی روزنامہ الاخبار کی روپورٹ کے مطابق یمن کے صوبہ مآرب کے شمال مغرب میں متعدد اسٹریٹجک بیرکوں کی تباہی اور علاقے میں صنعا فورسز کی پیش قدمی کے بعد ذرائع ابلاغ نے اطلاع دی ہے کہ اگر یہ صورتحال اگلے چند گھنٹوں تک جاری رہی تو عملی طور پر جھڑپیں مآرب کےشمال مغربی دروازے تک پہنچ جائیں گی جس کا مطلب تیسرے محاذ اور صحن الجن کے اسٹریٹجک اڈے کی فائل معاملہ بند ہونا ہوگا اور اس کے نتیجے میں صوبہ مأرب کی لڑائیوں میں ایک نیا صفحہ کھل کر سامنے آئے گا۔
مآرب سیکٹر پر یمنی فورسز کی پیشقدمی کا سلسلہ جاری ہے اور اس صوبے کے بہت سے علاقے من جملہ شمال مغرب کی اہم بلندیوں اور اہم اسٹریٹیجک علاقوں پر کنٹرول حاصل کر لیا ہے۔
یہ بھی پڑھیں : برسلز کانفرنس کی کوئی قانونی حیثیت نہیں ہے، شام کی وزارت خارجہ
الاخبار نے صوبہ مآرب میں میدانوں کی تازہ ترین صورتحال کا ذکر کرتے ہوئے لکھا ہے کہ گذشتہ 24 گھنٹوں کے دوران شہر کے شمال مغربی اڈوں کی تباہی کے بعد سعودی اماراتی اتحادی قبائل کو آنے والے وقت میں مآرب کےہاتھ سے چلے جانے کے بارے میں متنبہ کیا گیا ہے۔
رپورٹ کے مطابق ،یمنی فوج اور عوامی کمیٹیاں ، ایدات الراء کے علاقے پر تقریبا مکمل کنٹرول حاصل کرنے کے بعد لڑائی کوپناہ گزین کیمپ کے آگے کےعلاقوں تک پھیلانے اور صوبہ مآرب کے مرکز کے قریب جانے میں کامیاب ہوگئیں۔
ادھر سعودی اتحاد کے جنگجوؤں نے یمنی فوج اور عوامی کمیٹیوں کی پیش قدمی کو روکنے کے لیے شمال مغربی علاقے میں 70 سے زیادہ فضائی حملے کیے جن میں سے کچھ میں وادی النخلا کے آس پاس ریاض سے وابستہ فورسز کو بھی ہلاک کیا۔
الاخبار نے متعدد ذرائع کے حوالے سے مزید بتایا ہے کہ اس صورتحال کے نتیجے میں سعودی فورسز مآرب شہر سے پانچ فوجی مواصلات کی گاڑیاں ہٹانے اور انھیں سعودی عرب کی سرحد پر واقع الودیعہ سرحدی گزرگاہ پر لے جانےپر مجبور ہواجبکہ دو ہفتے قبل صحن الجن فوجی اڈے سے جوائنٹ آپریشن روم کو ہٹایا جا چکا ہے۔
فیلڈ ذرائع نے لبنانی اخبار کو بتایا ہے کہ صنعا افواج نے اس وقت ضلع السویدا کے مشرق میں ایدات الراء کے آس پاس جنگ کو منتقل کرنے میں کامیابی حاصل کرلی جب یمنی مستعفی صدر عبد ربہ منصور ہادی کی فورسز انسانی حقوق کے مسائل کی غلط استعمال کرنے اور اس مسئلے پر بات چیت کرکے صوبہ مآرب کی آزادی کو روکنے کوشش کررہی تھیں ۔
