سید حسن نصراللہ: ہم سید الشہدا کے پیرو ہیں اور ان سے عھد کرتےہیں کہ ان کا ساتھ نہیں چھوڑیں گے

انہو ں نے کہا کہ امریکہ جسے ایران اور شام نیز حزب اللہ کی کوششوں سے نئے مشرق وسطی کے توسیع پسندانہ منصوبے پر عمل کرنے میں ناکامی ہوئي ہے آج علاقے کے ملکوں میں داخلی، مذہبی اور گروہی فتنے پھیلانے کی سازشیں کررہا ہے ۔ سید حسن نصراللہ نے کہا کہ امریکہ خود کو انسانی حقوق کا حامی ظاہر کرنے کی کوشش کرتا ہے لیکن علاقے کی ساری قومیں جانتی ہیں کہ امریکہ ڈکٹیٹروں کی حمایت کرتا ہے اور ڈکٹیٹروں کو امریکہ کی سکیورٹی، سیاسی اور انٹلجنس حمایت حاصل ہے۔ سید حسن نصراللہ نے کہا کہ امریکہ، صیہونی حکومت اور ان کے آلہ کار شام میں ایسی حکومت لانا چاہتے ہیں جو ان کے سامنے سرتسلیم خم رہے۔انہوں نے کہا کہ دشمن نفسیاتی جنگ سے ہمیں کمزور نہیں بنا سکتا کیونکہ سب جانتےہیں کہ ہم نے جدوجہد اور استقامت کے ذریعے ہی اپنی سرزمینوں کو آزاد اور قیدیوں کو رہا کروایا ہے اور اب بھی استقامت ہی سے اپنی سربلندی و عزت اور سرزمین کی حفاظت کریں گے۔

{youtubejw}o_178n3KZbY{/youtubejw}