صـہیونی جارحیت کی شدید مذمت
15 نومبر, 2011 08:45
فلسطین کی منتخب حکومت نے فلسطین کی بحریہ کی پولیس کے ہیڈکوارٹر پر صیہونی فوج کے حملے کی مذمت کی ہے۔اطلاعات کے مطابق فلسطین کی منتخب حکومت کے ترجمان طاہر نونو نے اپنے ایک بیان میں بیت لاہیا میں فلسطینی بحریہ کی پولیس کے ہیڈ کوارٹر پر غاصب اسرائيل کے ہوائي حملے کی شدید الفاظ میں مذمت کی ہے۔غاصب اسرائيلی فوج نے یہ حملہ پیر کی صبح کیا تھا جس کے
نتیجے میں فلسطینی بحریہ کا ایک اہلکار شہید اور چار دیگر زخمی ہوگئے تھے۔ادھر صیہونی فوجیوں نے غرب اردن میں ان فلسطینیوں کے گھروں پر حملہ کیا ہے جو حال ہی میں اسرائیلی جیلوں سے رہا ہوکر اپنے گھروں کو لوٹے ہیں۔اطلاعات کے مطابق فلسطینی ذرائع نے خبر دی ہے کہ صیہونی فوجیوں نے پیر کے روز غرب اردن کے شہر قلقیلیہ پر حملہ کرکے ان فلسطینیوں کے گھروں پر دھاوا بول دیا جو حال ہی میں اسرائيلی جیلوں سے رہا ہوئے ہیں۔
