بقیع میں قبور ائمہ طاہرین پر روضہ دوبارہ تعمیر کیا جائےآیت اللہ صافی گلپائگانی

بقیع میں قبور ائمہ طاہرین پر روضہ دوبارہ تعمیر کیا جائے
ایران کے ایک عظیم مرجع تقلید نے مدینۂ منورہ میں قبرستان بقیع میں ائمہ طاہرین علیھم السلام کے حرم مطہر کے دوبارہ بنائے جانے پر تاکید کی ہے ۔
آج ایران کے مرجع تقلید حضرت آیۃاللہ صافی گلپائيگانی نے، آٹھ شوال المکرم کو جنت البقیع میں ائمہ طاہرین کے حرم کو وہابی تکفیری گروہوں کے ہاتھوں مسمار کئے جانے کی برسی کی مناسبت سے ایک پیغام ميں کہا کہ قبور ائمۂ اطہار کی مسماری اور حرمین عسکریین کے آثار کو مٹانے کا واقعہ ، ایک ایسا المناک واقعہ ہے جس کا نقصان اور ضرر، دین اسلام کے لئے بہت گراں اور ناقابل تلافی ہے ۔ شیعوں کے مرجع تقلید آيۃ اللہ صافی گلپائیگانی نے اس پیغام میں کہا ہے کہ مسلمانوں کو چائیے کہ آٹھ شوال کو جس دن پیغمبر اسلام اور ان کے اہل بیت کی توہین ہوئي ہے اس دن کو عزا اور مصیبت کا دن قرار دیں اور اس اقدام کی مذمت کرتے ہوئے بقیع میں ائمہ کے قبور کی تعمیر نو کے لئے کوشاں رہيں ۔
واضح رہے کہ وہابی تکفیری گروہوں نے آٹھ شوال 1965 کو مدینہ منورہ میں ائمہ کی قبور پر بنے روضے مسمار کردیا تھا ۔