ایک واقعہ کی آڑ میں شیعہ املاک اور امام بارگاہوں پر حملے قابل تشویش ہیں، علامہ راحت حسین الحسینی
مرکزی امامیہ جامع مسجد گلگت کے خطیب اور نامور عالم دین آغا سید راحت حسین الحسینی نے راولپنڈی میں عاشورہ کے روز رونما ہونے والے واقعات کی آڑ میں راولپنڈی شہر سمیت پنجاب بھر میں شرپسند عناصر کی جانب سے اس واقعے کو فرقہ وارانہ رنگ دیکر عوامی اشتعال دلانے کی کوششیں کرتے ہوئے راولپنڈی شہر اور دیگر شہروں میں شیعہ املاک اور امام بارگاہوں پر حملوں کی شدید الفاظ میں مذمت کرتے ہوئے پنجاب حکومت سے پر زور مطالبہ کیا ہے کہ وہ کالعدم دہشت گرد تنظیموں کے شرپسندوں کیخلاف قانونی کاروائی کرے اور عوام کی جان و مال اور املاک کے تحفظ کو یقینی بنائے بصورت دیگر ملکی استحکام خطرے میں پڑ سکتا ہے۔ انہوں نے گلگت اور چلاس میں احتجاجی ریلیوں میں شیعہ مخالف نعرہ بازی اور تکفیری مہم پر بھی تشویش کا اظہار کرتے ہوئے صوبائی حکومت سے شرپسندوں کیخلاف کاروائی کا پرزور مطالبہ کیاہے۔
