جھنگ، لبیک یاحسینؑ کا بورڈ نذر آتش، اہل تشیع کیطرف سے شدید احتجاج، انتظامیہ سے کارروائی کا مطالبہ

گوجرانوالا میں اہل تشیع کی شہادت کے دلخراش واقعہ کے بعد جھنگ میں شرپسند عناصر کی طرف سے ادھیوال چوک میں لگے لبیک یاحسینؑ کے پینافلیکس کو نذر آتش کر دیا گیا ہے۔ اس بورڈ پر لبیک یاحسینؑ کے ساتھ ساتھ خانہ کعبہ اور روضہ رسول (ص) کی تصاویر بھی لگی ہوئی تھیں۔ اس واقعہ کے بعد اہل تشیع کی بڑی تعداد موقع پر جمع ہوگئی ہے، مجلس وحدت مسلمین اور شیعہ علماء کونسل کے عہدیداران بھی وہاں موجود ہیں۔ اہل تشیع نے محرم الحرام میں جھنگ کے حالات کو مخدوش کرنے والے عناصر کو فوری طور پر گرفتار کرنے اور سزا دینے کا مطالبہ کیا ہے۔ اسلامی مقدسات کی بے حرمتی کرنے والوں کے خلاف انتظامیہ نے ابھی تک کوئی ایکشن نہیں لیا۔ حالات کشیدہ ہیں۔