انارکلی دھماکہ افسوسناک، پنجاب حکومت پوری قوت سے دہشتگردی کو کچل دے، افضل حیدری

وفاق المدارس الشیعہ کے سیکرٹری جنرل مولانا محمد افضل حیدری نے انار کلی فوڈ سٹریٹ بم دھماکہ کی شدید مذمت کرتے ہوئے پنجاب حکومت سے مطالبہ کیا کہ پوری قوت سے دہشت گردی کو کچل دے۔ انہوں نے کہا کہ ملک میں فقط پنجاب میں ہی امن تھا لیکن لگتا ہے کہ کسی بھیانک سازش کے تحت اسے تباہ کرنے کی سازش کی جا رہی ہے۔ انہوں نے کہا کہ مسلم لیگ (ن) حکومت سنجیدگی سے کارروائی کرے تو ملک بھر سے دہشت گردی کا خاتمہ کر کے عوامی مقبولیت حاصل کر سکتی ہے۔ مولانا افضل حیدری نے جاں بحق ہونے والوں کی مغفرت اور زخمیوں کی جلد صحتیابی کی دعا کی۔