جے ایس او کی مرکزی نوید صبح تربیتی ورکشاپ جمعہ سے اسلام آباد میں شروع ہوگی
27 جون, 2013 08:19
جعفریہ اسٹوڈنٹس آرگنائزیشن پاکستان کی مرکزی نوید صبح تربیتی ورکشاپ جمعہ 28 جون سے جامعہ الصادق کراچی کمپنی اسلام آباد میں شروع ہو رہی ہے، تین روز تک جاری رہنے والی اس مرکزی تربیتی ورکشاپ میں ملک بھر سے جے ایس او کے کارکنان شریک ہونگے۔ ورکشاپ کے دوران مختلف تعلیمی، تبلیغی، اصلاحی اور تربیتی نشستیں ہونگی، جس سے جید علماء کرام اور سینیئر تنظیمی عہدیدارن خطاب فرمائیں گے۔ ورکشاپ کی اختتامی نشست سے سربراہ اسلامی تحریک پاکستان علامہ سید ساجد علی نقوی، مرکزی سیکرٹری جنرل علامہ عارف حسین واحدی اور مرکزی صدر ساجد ثمر خصوصی خطاب کرینگے۔
