کراچی: طالبان دہشت گردوں کی فائرنگ , شیعہ شہید

کراچی میں ہفتہ کے روز ناصبی وہابی تنظیموں کے دہشت گردوں کی کاروائیوں میں شیعہ اسکاؤٹ گروپ کے اسکاؤٹ عون محمد شہید ہو گئے ہیں ۔شیعت نیوز کے نمائندے کی رپورٹ کے مطابق کراچی کے علاقےاورنگی ٹاؤن میں کالعدم دہشت گرد گروہوں سپاہ صحابہ،لشکر جھنگوی اور طالبان دہشت گردوں نے فائرنگ کر کے پاک حیدری اسکاؤٹ گروپ کے اسکاؤٹ عون محمد کو فائرنگ کر کے شہید کر دیا ۔

شیعہ اسکاؤٹ گروپ کے اسکاؤٹ عون محمد کو تین گولیاں سر اور سینے میں لگیں جس کے باعث وہ شدید ذخمی ہو گئے تاہم انہیں فوری طور پر مقامی اسپتال پہنچا دیا گیا جہاں ذخموں کی تاب نہ لاتے ہوئے وہ شہید ہو گئے۔شہید کے جسد خاکی کو مسجد و امام بارگاہ رضویہ پہنچا دیا گیا ہے جہاں شہید کی نماز جنازہ ادا کی جائے گی۔

واضح رہے کہ گذشتہ تین دہائیوں سے کراچی میں شیعہ عمائدین کی نسل کشی اور ٹارگٹ کلنگ کا سلسلہ جاری ہے لیکن تا حال حکومت کالعدم دہشت گرد گروہوں سپاہ صحابہ اور لشکر جھنگوی سمیت طالبان دہشت گردوں کو گرفتار کرنے میں ناکام رہی ہے۔