پاکستان
اہلیان اپرکرم کو گھٹنے ٹیکنے پر مجبور کرنے کے لئے ایک اور حربہ
![shiitenews_parachinar_inqalab](images/stories/2011/june/shiitenews_parachinar_inqalab.jpg)
واضح رہے کہ گذشتہ چوبیس گھنٹوں سے پاراچنار سمیت اپر کرم کی بجلی مکمل طور پر منقطع ہے اور علاقہ اندھیرے میں ڈوبا ہوا ہے۔ یاد رہے کہ کرم ایجنسی میں امن برقرار رکھنے کے لئے نہ صرف طالبان بلکہ خود موجودہ حکومت کی طرف سے بھی یہ شرط رکھی جا رہی ہے کہ اہلیان پاراچنار طالبان کو افغانستان کی طرف جانے اور وہاں حملے کرنے کے لئے راستہ فراہم کریں۔ اور ساتھ یہ کہ وزیرستان سے بعض حکومت نواز طالبان کو کرم شفٹ کرنے کے لئے انہیں خیواص میں بسانے کے لئے اجازت دی جائے۔ جس کے لئے اہلیان پارچنار کسی صورت میں تیار نہیں۔ چنانچہ اسی وجہ سے انہیں ایسی غیر انسانی سزا دی جا رہی ہے۔
واضح رہے کہ خیواص کو حاصل کرنے کے لئے گزشتہ سال ماہ مبارک رمضان میں حکومت کے اشارے پر طالبان نے اس علاقے پر زبردست حملے کئے اور اسکا محاصرہ کر کے تہس نہس کر دیا اور اس میں محصور طوری بنگش جوانوں کو قتل کر دیا، مگر بعد میں طوری بنگش قبائل نے اسے دوبارہ طالبان کے قبضے سے نہ صرف چھڑایا بلکہ یہاں سے طالبان کا مکمل بوریا بستر ہی گول کر دیا۔