اسلامي جمہوريہ ايران کي مسلح افواج کي قوت نے دشمن کو مايوس کرديا ہےايڈمرل علي فدوي
ملک کي دفاعي طاقت اور مسلح افواج کي توانائيوں نے دشمنوں کو ايران کے خلاف فوجي محاذ آرائي سے مايوس کرديا۔ يہ بات سپاہ پاسداران انقلاب اسلامي کي بحريہ کے کمانڈر ايڈمرل علي فدوي نے بندر عباس ميں بحريہ کے جوانوں سے خطاب کرتے ہوئے کہي۔ انہوں نے ملک کي دفاعي طاقت کي جانب اشارہ کرتے ہوئے کہا کہ ايران کي مسلح افواج کا مقصد ملکي دفاع کو مضبوط اور مطلوبہ حد سے زيادہ پائيدار بنانا ہے۔
انہوں نے ملکي دفاعي طاقت پر اطمينان کا اظہار کرتے ہوئے کہا ہماري دفاعي طاقت نے دشمن کو فوجي محاذ آرائي سے مايوس کرديا ہے۔
ايڈمرل علي فدوي نے امريکي وزير جنگ کے بيان پر تبصرہ کرتے ہوئے کہا کہ سپاہ پاسداران انقلاب اسلامي کي بحريہ کي مضبوط اسٹريٹجي پوري طرح سے واضح ہوچکي ہے اور اسي لئے امريکي فوجي حکام اپني بحري اسٹريٹجي ميں تبديلي پر مجبور ہوگئے ہيں۔ تاہم ان کا کہنا تھا کہ اسٹريٹجي کي يہ تبديلي ان کے مقاصد پورے نہيں کرسکتي۔
آئي آر جي سي کي بحريہ کے کمانڈر نے واضح کيا کہ ايران کے دشمن ہماري مسلح افواج کي طاقت و توانائي کو ديکھتے ہوئے ايران کے خلاف فوجي کاروائي کرنے سے ڈرتے ہيں۔
