اہم ترین خبریںپاکستان

پنجاب بھر کے شیعہ علماء کامتحدہ علماء بورڈ میں مساوی نمائندگی کے حصول کیلئے بھرپور احتجاجی تحریک چلانے کا عزم

اس نا انصافی پر علمائے کرام نے پنجاب بھر میں احتجاجی مظاہروں اور علامتی دھرنوں کیلئے آمادگی کا اظہار کیا.

شیعیت نیوز: مجلس وحدت مسلمین پنجاب کے صوبائی سیکرٹری جنرل علامہ عبدالخالق اسدی سے پنجاب کے مختلف ڈویژن سے تعلق رکھنے والے نمائندہ علمائے کرام نے ملاقات کی. متحدہ علماء بورڈ پنجاب میں شیعہ علما کی تعداد میں کمی پر اظہارِ افسوس کیا۔

اس نا انصافی پر علمائے کرام نے پنجاب بھر میں احتجاجی مظاہروں اور علامتی دھرنوں کیلئے آمادگی کا اظہار کیا. اس موقع پر علامہ عبدالخالق اسدی نے علمائے کرام کا شکریہ ادا کرتے ہوئے کہا کہ اس سنگین ناانصافی کے ضمن میں سیکرٹری اوقاف کو خط لکھا گیا ہے۔

یہ بھی پڑھیں: جنوبی پنجاب کے تمام اضلاع کےبعد مرکزی عزاداری کنونشن اسلام آباد میں منعقد ہوگا، علامہ اقتدار نقوی

اتمامِ حجت کیلئے تمام دروازے کھٹکھٹائے جا رہے ہیں. اگر پنجاب انتظامیہ اس معاملے پر سنجیدگی کا اظہار کرتے ہوئے ناانصافیوں کا ازالہ نہیں کرتی تو پُر امن اور بھرپور احتجاج کی کال دی جائے گی۔

متعلقہ مضامین

Back to top button
Close