لسان ملت شہید علامہ آغا آفتاب حیدرجعفریؒ کو ہم سے بچھڑے 13برس بیت گئے

شیعیت نیوز: لسان ملت، معروف ذاکر اہل بیتؑ شہید علامہ آغا آفتاب حیدرجعفریؒ کو ہم سے بچھڑے 13برس بیت گئے، خطیب بے بدل شہید آغا آفتاب حیدر جعفریؒ کی دشمن پر لرزا طاری کرتی گرجدار آوازآج بھی قوم کے کانوں میں زندہ ہے۔

تفصیلات کے مطابق شیعیان کراچی کی ہر دلعزیز شخصیت ، ممتاز خطیب اہل بیتؑ شہید علامہ آغا آفتاب حیدر جعفری کوہم سے بچھڑے آج 13 برس مکمل ہوگئے ہیں۔ شہید کے قاتل آج بھی آزاد ، بیوہ اور اہل خانہ تاحال انصاف کے منتظر ہیں۔ شہید کی جدائی کا خلاءآج تک پورا نا ہوسکادوست احباب اور پوری ملت جعفریہ13برس گذرجانے کے باجود ان کی یاد بھلا نہ سکے ۔

شہر قائد میں عزاخانوں ، احتجاجی مظاہروں اور مختلف سیمینار کی رونق سمجھے جانے والے مایہ ناز خطیب اہل بیت ؑ، شعلہ بیاں مقرر، شاعراور معروف بینکارشہید علامہ آغا آفتاب حیدر جعفری اور ان کے رفیق خاص شاہد علی مرزاکی آج13ویں برسی ہے ۔ شہید کو بچھڑے 9برس بیت گئے لیکن ان کی یاد آج ہمارے دلوں میں تازہ ہے ۔

شہید آغا آفتاب حیدر جعفری کے والد کا نام معراج حسین تھا۔ آپ پیشہ کے اعتبار سے ایک پرائیویٹ بینک کے نائب صدر تھے۔ آپ ایک خطیب اور مذہبی اسکالر ہونے کے ساتھ شاعر بھی تھے۔ آپ پاکستان کے شہر کراچی کے علاقے لائینز ایریا میں رہائش پذیر تھے۔ آپ کی زندگی انتہائی سادہ تھی۔ آپ نے زمانہ نوجوانی اور طالب علمی میں امریکہ مخالف شیعہ طلبہ تنظیم آئی ایس اوکا انتخاب کیا اور کئی سال تک اسی تنظیم کے مختلف عہدوں پر فائز رہتے ہوئے خدمات انجام دیں۔

یہ بھی پڑھیں : عمامہ، علم و زہد کی علامت اور شیطانی وسوسوں سے حفاظت کا ذریعہ ہے، علامہ سید افتخار حسین نقوی

انہیں 6نومبر 2012 کی صبح ان کے گھر کے نزیک پارکنگ صدر پر کالعدم تکفیری وہابی جماعت سپاہ صحابہ کے دہشت گردوں نے اس وقت نشانہ بنایا جب وہ اپنے ساتھی شاہدعلی مرزا کے ہمراہ حبیب بینک پلازہ جارہے تھے ۔ اندھادند فائرنگ کے نتیجے میں دونوں زخمی موقع پر ہی جام شہادت نوش فرماگئے ۔

شہادت کے وقت آپ کی عمر 42سال تھی، آپ سرزمین پاکستان پر اتحاد بین المسلمین کے داعی تھے، آپ کی شخصیت نوجوانوں میں بےپناہ مقبولیت کی حامل ہے۔ آپ پاکستان میں عالمی استعمار امریکہ اور اسرائیل کے خلاف ایک چٹان کی حیثیت سے جانے جاتے تھے۔ آپ جعفریہ الائنس پاکستان اور فلسطین فائونڈیشن پاکستان کے اساسی ممبر اور مرکزی سرپرست کمیٹی کے اہم رکن تھے۔شہادت سے کچھ عرصہ قبل آپ مجلس وحدت مسلمین سےوابستہ ہوگئے تھے اور ان کی شہادت کی وجہ بھی ایم ڈبلیوایم کے پلیٹ فارم سے اجتماعی جدوجہد ہی بنی ۔

واضح رہے کہ شہید علامہ آفتاب حیدر جعفری کے جلوس جنازہ پر لیاقت آ باد کے نزدیک پولیس اہلکاروں نے براہ راست فائرنگ بھی کی تھی جس کے نتیجے میں مزید 3 عزادار جام شہادت نوش کرگئے تھے ۔